Chill og svakaleg leti í Guatemala

Já, fyrir ykkur sem ekki áttuðu ykkur á því þá var síðasta færsla aprílgabb. Bjuggumst reyndar við að enginn myndi trúa þessu, en það kom sko annaða á daginn :)

En annars erum við búin að vera einstaklega löt undanfarna daga...og sú leti einkennist einnig í bloggleti!! En það helsta sem hefur gerst frá síðustu færslu er...

Peru:

• Það sem eftir var af Cusco hittum við krakkana úr inkatrailhópnum reglulega
• Fórum til Lima, versluðum og sendum pakka heim. Hittum einn úr inkatrailhópnum sem býr í Lima og fórum út að borða

Guatemala:

• Drekka bjór
• Sundlaugargarður (sem var nb. ekki lokaður þó stebbi ætlaði í hann!)
• Drekka bjór
• Borða plokkfisk
• Sofa með kakkalökkum

Eina sem þarfnast útskýringar hér er held ég plokkfiskurinn...hér erum margir Íslendingar núna (flestir meira að segja úr sveitinni) og við hittumst heima hjá Söndru og Gulla eldaði plokkfisk handa okkur sem var alveg geggjaður. En undanfarnir dagar hafa verið einstaklega þægilegir, höfum ekkert þurft að hugsa...beið okkar pickup á flugvellinum og Sandra búin að finna hostel handa okkur sem betur fer þar sem allt er uppbókað þessa dagana sökum páska. Auðvitað höfðum við ekki hugsað svo langt :) Planið var nú að skoða okkur meira um hér í Guatemala, en við höfum bara ekki nennt því, svo einstaklega gott að gera ekkert ;)

Á dagskránni er svo bara það að við erum að fara til El Salvador á morgun í strandaferð, svo við bara krossleggjum fingur um gott veður!

Gleðilega páska