Guten Tag...

Jább, það eru svo margir þjóðverjar hér í Ástraliu að það getur verið að við bara tölum þýsku þegar við förum héðan...hver veit :)

En annars er planið að fara leggja í´ann til Víetnam í fyrramálið, vonandi gengur það upp í þetta sinn hehe. Erum allavega komin með vegabréfsáritunina núna svo það ætti ekkert að stöðva okkur...nema það bíði okkur eitthvað enn í Sydney. Við allavega komumst að því hvað það var sem beið okkar hér síðast, þær klikkuðu systur Hulda og Ólöf (og co.) voru búnar að kaupa handa okkur miða í leikhús sem við skelltum okkur á á laugardagskvöldið. Ekkert smá gaman, söngleikur sem heitir Pricilla (sbr. bíómynd) og er um nokkrar dragdrottningar sem fara til Alice Springs til að hafa sýningu. Mjög skemmtileg sýning með alveg svaka söngvurum og við höfðum ekkert smá gaman af. Svo takk alveg æðislega fyrir okkur :D

Annars gat þessi auka vika hér í Sydney hreinlega ekki verið betri, við meira að segja komumst í ódýru bjórmenninguna svo það er yfir engu að kvarta hehe. Það er eitthvað um að vera flest kvöld á þessu hosteli sem við erum á, og yfirleitt frír bjór með...og jafnvel frír matur líka. Þetta er annars ekkert smá fyndið hostel...Það er e-r strákur sem á það, og hann fékk það í afmælisgjöf frá foreldrum sínum (eiga víst alltof mikla peninga). Svo er annar strákur sem er manager, tvítugur strákur frá Kanada sem er í orðsins fyllstu alltaf fullur. Yfirleitt kominn með bjór í hönd strax á morgnana...og djammar hvert einasta kvöld. Svo það er nú ekki stressið á okkur þarna hehe. Við sem fórum á þetta hostel bara afþví það var ódýrt, okkur leist ekki einusinni vel á það því það var svo sóðalegt og mikið af pöddum. Annars erum við orðin svo ónæm fyrir því núna, okkur finnst bara cosy að kúra með nokkrum kakkalökkum (eða svona næstum því:) Hver hefði trúað mér til þess áður en við fórum...Líklegast enginn!!

En já, minntist á að það væru svo mikið að þjóðverjum hérna...bara á okkar hosteli eru búnir að vera 5. Yfirleitt er giskað fyrst að við séum frá Þýskalandi, bara því það eru svo margir í Ástralíu. Svo er það Svíþjóð þegar fólk er farið að pæla (eins og hefur verið alla ferðina, fyrst giskað á að við séum frá Svíþjóð þegar fólk heyrir okkur tala). Eftir það kemur runa (Írland, Noregur o.s.frv.). Svo þegar við segjumst vera frá Íslandi lifnar alveg yfir fólki og við fáum fullt af spurningum og svo er endað á því að fólk segist aldrei hafa hitt neinn frá Íslandi áður (kemur í svona 99% tilvika...sem það skilur þegar við segjum þeim hvað íslendingar eru margir, eina skiptið sem það var ekki var i Antigua...enda fullt af Íslendingum þar hehe). Þegar þjóðverjarnir segjast vera frá Þýskalandi hér er það víst...ohh enn einn þjóðverjinn og samtalið dvínar út ;)

Annars er ég að spá í að lýsa því bara í myndum hvað við erum búin að gera hér þessa vikuna:

Við slógum nokkrar kúlur í Sydney Olympic Park, geri aðrir betur :)

Fórum í leikhús

Lágum á stöndinni

Jahh, eða allavega ég. Ofvirkur.is gróf holu á meðan:

Stebbi fann sér vinnu í 2 daga við smíðamennsku...mjög gaman að prófa að vinna hér ;)

Ég fékk enga vinnu svo ég var fín frú á meðan...

Og auk þess fórum við í bíó á Spidermann 3 sem var bara alveg ágæt.

Gott að það sé aðeins að lifna yfir kommenturum. Hefðum við vitað fyrirfram hvað við yrðum lengi hér hefðum við alveg örugglega kíkkað til Adelaide...við vorum nú komin langleiðina þangað í húsbílnum okkar góða...förum klárlega þangað næst ;)

Jæja, best að fara að pakka. Verðum vonandi í Víetnam þegar við bloggum næst :)
Kv. Erna og Stebbi